SƏNİNDİR
Qadın olsan belə nəhəng görürəm,
Mən səni ən məğrur pələng görürəm.
Şəfalı əlində min rəng görürəm,
Düzüb-qoşduğuna heyranam,bacı.

Açıb ürəyimin şah damarını,
Toplayıb xəznəmin dövlət-varını,
Sənə bağlayıram dastanlarımı,
Gərəkdir qarşında yanaram,bacı.

Yüz elmə dəyişməm dərin fəhmini,
Heyrət salırsan insan əhlini.
Bir dünya sanıram, əsla, rəhmini,
Arxanda dağ kimi dayannam, bacı.

Adını ulduza, Aya göndərdim,
Bu kiçik şerimi hədiyyə bildim.
Ən əziz günündə təbrikə gəldim,
Qardaşam, arxanda duranam, bacı.

Nizami Nikbin (Əsgərbəyli)