Həbibə Əhmədzadə - "BİTƏR GÜLLƏRİM" şeiri
BİTƏR GÜLLƏRİM
Zərifə xanıma ithaf edirəm
Hüsnünə olmuşam, Zərifə, heyran,
Sən dağlar qızısan, qaragöz ceyran.
Xəstəyə dərmandır sənin əllərin,
Kəlbəcər dağında bitər güllərin.
Nəqarat:
Güllərin, güllərin, bitər, Zərifə,
Yağı düşmən ordan itər, Zərifə!
Nə gözəl yaradıb, yaradan səni,
Dağların qoynunda bəslədi səni.
Yağı düşmən niyə aldı elini?
Gül-çiçək içindən qopartdı səni!
Güllərin, güllərin, bitər, Zərifə,
Yağı düşmən ordan itər, Zərifə!
Həbibə yazdığı azdırmı sənə,
Yayılıb şöhrətin gülli-aləmə.
Var olsun şəfalı əllərin yenə,
Kəlbəcər dağında gül bitər yenə!
Güllərin, güllərin, bitər, Zərifə,
Yağı düşmən ordan itər, Zərifə!
Həbibə Əhmədzadə
Yazan: admin
Baxış: 700
Kateqoriya: Şerlər
Şərh: 0